Іс-шаралар

Діни экстремизм – опат болудың жолы

Діни экстремизм дегеніміз – саяси күштердің өз мақсаттарына жету үшін дін атынан мемлекетке қарсы жасалған немесе бағытталған күресі. Сөйтіп, олар өз билігін орнатуға немесе айтқанын орындатуға ұмтылады. Дінімізді бұрмалап әртүрлі жаңалықтарды енгізіп, дінімізден, тілімізден, ділімізден, мәдениетімізден, қазақты қазақ етіп көрсететін салт-дәстүрімізден, ұлттық құндылықтарымыздан айырып, халық арасында араздық, дұшпандық, жеккөрушілік, тасбауырлық тудырып, ынтымағынан, бірлігінен айырып, ұмыттырғысы келгені, түрлі ағымдардың өте белсенді түрде жұмыс жасап жатқандығы – осының дәлелі. Сонымен қатар,  көптеген діни ағымдардың пайда болуына байланысты, қоғамда кері саяси ұғымдардың пайда болуы, адамның сана сезімін улайтын, әлемдік діндердің атын жамылып теріс бағыт беретін діни секталардың экстремалды түрде қаптауы халыққа зиянын тигізіп жатыр.

15 тамыз бен 15 қыркүйек аралығында өртке қарсы қауіпсіздік шараларын түсіндіру жүргізілуде

 “Өз құқығыңды білгенің – дұрыс өмір сүргенің”

   “Өз құқығыңды білгенің – дұрыс өмір сүргенің” атты 7 сыныптар арасында ашық тәрбие сағаты өтті. Мақсаты: оқушылардың құқықтық білімін жетілдіру, құқықтық білім әр адамның ісі екенін ұғындыру, оқушылардың бойына құқықтық, патриоттық, адамгершілік тәрбиені сіңіру, оқушылардың ой-өрісін дамыту, белгілі бір пікір айтуға, тұжырым жасауға үйрету. Пробация бөлімінің инспектор-психологі әділет лейтенанты Серикбаева Айдана оқушыларға Конституцияның заңдарымен таныстырды.

  “От – досымыз, от – жауымыз!”

   2020 жылғы 15.01-15.02. аралығында “Өртке қарсы қауіпсіздік”атты акциясы өткізіліп жатыр. 2 “А” сыныбында “От -досымыз,от -жауымыз” атты тәрбие сағаты өткізілді.Мақсаты: оттың адам өміріндегі маңызын,пайдасын, пайда болу жолдарын ұғындыру. Сонымен қатар оттың тілсіз жау екендігін ұқтыру.

    Оқушыларға өрттің зияны мен қауіпсіздігі туралы толық мағлұмат берілді. Оқушыларға оттан сақтанудың жолдарын, өрттің табиғатқа, адамға әкелетін зардабын түсіндіре отырып, сіріңке, оттық т.б. қатерлі нәрселерден аулақ болуға айтылды. Балалар өрттен құтқару викторинасына, жағдаяттық сұрақтарға жауап берді. “Ойыннан от шығады” атты сахналық көрініс көрсеті.Мектепте дабыл соқанда біз не істеуіміз керек? Төтенше жағдай кезіндегі қарапайым қорғаныс шаралары қандай?Оқушылар барлық шығармашылық түрде өздерінің өртке қарсы қауіпсіздік ережелерін, төтенше жағдайларда не істеу керектігін көрсетті. Әр қатысушы өз жұмысында өрттің қауіптілігін және өрт сөндірушілердің адам өмірін құтқару бойынша қиын жұмысын көрсетуге тырысты. Оқушылар екі топқа бөлініп, жанып жатқан өртті сөндірді. Күнделікті өмірде адам баласын қоршаған қауіп-қатер аз емес. Соның ішінде, ең күрделі – өрт.

   Өрт – аса қатыгез, ол ешкімді аямайды. Ең бастысы, өрттің туындауына жол бермеген жөн.

   Көптеген оқушылар өрт сөндіруші және құтқарушы мамандығына қызығушылық танытып, болашақта адамдарды құтқаруға ниет білдірді.

“Өрт қауіпсіздігі мектеп партасынан”

      “Өрт қауіпсіздігі мектеп партасынан” атты сынып сағатында 1 “А” сынып мұғалімі Кудебаева Н.М. оқушыларға өрттің қашалықты қауіпті екенін “Қауіпті заттар” атты дидактикалық ойын ойнау, “Өрт – тілсіз жау” бейнематериал көрсету және жағдаяттық сұрақтарға жауап алу арқылы түсіндіріп, білімдерін кеңейтті. Сабаққа арнайы өрт сөндіруші маманы Тәуекелов Құрманғазы Шәкенұлы қатысып, өрттің шығу себептерімен таныстырып, қоршаған ортаны қорғауға шақырды. Сабақта оқушылар осы тақырыпқа байланысты жаттаған тақпақ, мақалдарын айтты. Сабақ соңында осы тақырыпқа сурет салып, кері байланыс жасады.  

   «Дені саудың –жаны сау»

    24 қаңтар күні Қостанай қаласы әкімдігінің білім бөлімінің М.Хәкімжанова атындағы №20 орта мектебінде салауатты өмір салтын насихаттау мақсатында 4 –сыныптар арасында «Дені саудың – жаны сау» іс-шарасы өтті. Іс-шараны ұйымдастырып өткізген 4 сынып мұғалімдері Аңсағанова Аякөз, Айгужина Гүлбану және дене шынықтыру пәнінің мұғалімі Курпебаев Жасүлан. Іс –шараға оқушылармен қатар ата-аналар да қатысты. Оқушылармен ата –аналар 4 топқа бөлініп, 5 кезеңнен тұратын сайыстарда бақ сынады. Әділ қазылардың шешімімен ұпай саны бойынша 1 –орынды Сұңқар тобы, 2-орынды « Тұлпар » тобы иеленсе, 3 орынды «Жалын», «Жігер» топтары өзара бөлісті.Сайыстар оқушылардың жас,жеке ерекшеліктерін ескеріп ұйымдастырылған.Спортзалдың көрнекіліктермен безендірілуін, іс-шараның әр кезеңінің музыкалық сүйемелденуін атап өту керек. Сайыс соңында «Арқан тартыс» ойыны ерекше тартысты өтті, ұлттық ойында ата-аналар мен оқушылар өз араларында жеке күш сынасып, бақ сынады. Әсіресе,оқушылар тарапынан ұлттық ойынға деген ерекше қызығушылық байқалды. Жас ұрпаққа салауатты өмір салтын насихаттаған іс-шараға ат салысқан ата-аналар жеке алғыс хатпен марапатталды. Спорттық іс-шара оқушылардың, ата-аналардың көңілінен шығып,алдағы уақытта осындай сайыс өтіп тұрса деген тілектерін білдірді.

Кітапхана меңгерушісі Тастанова Зура Сайлаубековна

 «Жыр падишасы –Фариза»

      «Рухани жаңғыру» бағдарламасы ауқымды шаралар көзі болып отыр.  Елбасы “Рухани жаңғыру” бағдарламасында: “Ұлттық салт-дәстүрлеріміз, тілімізбен музыкамыз, әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуға тиіс. Абайдың даналығы, Әуезовтің ғұламалығы, Жамбылдың жырлары мен Құрманғазының күйлері, ғасырлар қойнауынан жеткен бабалар үні – бұлар біздің рухани мәдениетіміздің бір парасы ғана”, – деген еді.

    Осы мақсатта М.Хәкімжанова атындағы № 20 орта мектебінің оқу залында 9 «ә» және 10 «ә» сынып оқушыларының қатысысуымен Елбасының «Болашаққа бағдар, рухани жаңғыру» мақаласын жүзеге асаыру мақсатында Мемлекеттік сыйлықтың лауреаты, Қазақстанның халық жазушысы Фариза Оңғарсынованың 80 жылдық мерейтойына орай «Жыр падишасы- Фариза» атты поэзия кеші өтті.

      Фариза –аспанға алау атып, шоқ шашыратып жатқан рух жаңартауы. Өшпейтін де сөнбейтін өжеттік қайнары. Поэзия кешінде Фариза Оңғарсынованың бине роликтер арқылы өмірбаянымен таныстырылып, Фариза апамыздың сөзіне жазылған  5 «ә» сынып оқушылары Жұман Аяжан мен Айдарбекова Жамалдың орындауында ән шырқалып, өлеңдері мәнерлеп жатқа айтылды. Мәнерлеп оқыған оқушылар: Казимбекова Аруна, Бакитжанова Ясмин, Елнар Баязитов, Мейрлан Айтмұхамет, Курманов Дияс, Қайырберген Жанель, Мырзаш Нұрайлә, Мусанова Анель, Сартаева Қасиет.

Сонымен қатар, кітап көрмесі ұйымдастырылды.     

“Күмбірле күй – домбыра”

      17 қаңтар күні Рухани жаңғыру бағдарламасының “Отаным – тағдырым” кіші бағдарламасы аясында І.Омаров атындағы қазақ драма театрының актері, Қазақстан Республикасының мәдениет қайраткері Иманов Қабул-Мажит Сундетовичпен “Күмбірле күй – домбыра” атты тақырыпта кездесу өтті. Кездесуге Оқасова Жазира жетекшілік ететін 9 “А” сыныбының оқушылары қатысты. Қабул-Мажит Сундетович өзінің өмірі, қолөнер шеберлігіне келу жайлы әңгімелеп, домбыра жасаудың қыр-сырымен оқушылармен бөлісті. Күй де тартылып, оқушылар кездесуден жақсы тарасты. Тағылымы мол, берері көп мұндай кездесулер мектебімізде жалғасын табары сөзсіз.

«Көктем Аруы – 2019» байқауы

Бастауыш сынып мұғалімі Кудебаева Н.М

     Халықаралық әйелдер мерекесі қарсаңында наурыздың 6-шы жұлдызы күні мектебімізде 4-ші “А” сыныбының ұйымдастыруымен “Көктем Аруы-2019” байқауы өтті. Бұл сайыстың негізгі мақсаты : аруларымыздың тек сұлулығы мен өнерін ғана бағалау емес, сондай – ақ, қазақтың салт-дәстүрі бойынша білімдерін сынға салу. Байқауға 2- 4  сынып қыздары қатысты. Сайыста аруларымыз таныстыру, өз өнерін көрсету , сән үлгісі және сұрақ-жауап шарттары бойынша сынға түсті. Аруларымыздың арасында үздіктердің үздігі болып , бас жүлдені 3 “Ә” сынып оқушысы Көптілеу Кәусәр иеленді. 1-орынды 4 “А” сынып оқушысы Бузай Алуа иеленсе, 2-ші орын 4 “Б” сынып оқушысы Рапxат Томириске бұйырды. Ал, үшінші орынды 2 “Б” сынып оқушысы Жәнібекова Лаура өз қанжығасына байлады. Сайыс тартысты , әрі қызықты өтті. Аталмыш іс-шараға барлық сыныптар ат салысып ,өз өнерлерін көрсетіп, көрермендер қошеметіне иеленді. Іс-шараға көптеген әже, аналар қатысып, кішкентай ару өнерлеріне қатты риза болды.

                                        

«Tàýelsizdik – tàńir  bergen tàtti syı» aksıasy

Bastaýysh synyp mugalimi: Sapabek Jannur Sarsengalɪqyzy

«Eliniń  uly bolsań, elińe  janyń ashysa.  azamattyq  namysyń bolsa,

qazaqtyń  ulttuq  jalgyz  memleketiniń  nygaıyp – kórkeıýi

 jolynda jan tereńdi sygyp júrip eńbek et.

 Jerdiń de, eldiń de  ıesi óziń ekenińdi  umytpa!»

N.Á. Nazarbaev

      Biz qazaq degen uly eldiń  urpaġymyz! Tàýelsizdik – uly dala  eliniń  eldigi men erligi. Bıyl teýelsizdigimizdi  alganymyzga  27 jyl  týyp otyr. Osy oraıda  3 «А» synyby  tàýelsizdikti ulyqtaý  maqsatynda  2 kún boıy «Tàýelsizdik – tàńir  bergen tàtti syı»  atty aksıasyn uıymdastyrdy. Synyptaġy uldar kók tústi  galstýk  taqsa, al qyzdarymyz  sary  tústi  bantık tagyp  basqa  synyptardan erekshelenip júrdi. Sonymen qatar «Tàýelsizdik  tiregim »  atty synyp sagaty bolyp,  tàýelsizdik qurbandarynyń  eren  eńbekteri týraly  talqylap, oı túıdi.  « Qazastan tàýelsız jolynda»  taqyrybynda sýretter salyp, tàýelsizdiktiń  ońaı kelmegenine qorytyndy  jasady. Bul  aksıada synyp ata-analary bir jeńen bas, bir jeńnen qol shyġaryp synypishilik is-sharalarġa qoldaý kórsetip,  balalarynyń tàýelsizdik  kúnin sezinýlerine óz  úlesterin qosa bildi. Ià,  «Jumyla kótergen júk jeńil» demekshi osyndaı qarapaıym is-àreketter arqyly bala boıyndaġy ultyna degen súıispenshilikti qaluptasturýġa bolady dep oılaımyn. Sóz sońynda kók baıraġy jelbiregen, búgingidei abyroıly da aıbundu, bedeldi de berekeli, untumaġu men jarasqan elimizdiń tàýelsizdigi  baıandy bolġaı dep óz tilegimdi bildiremin.

Салауатты өмір салты – терең білім мен тәрбие көзі.

       Қазіргі таңда әрбір ұстаздың алдында үлкен міндет тұр: дені сау, білімді, салауатты өмір сүре алатын тұлғаны тәрбиелеу.

           Қазақ елінің Ата заңында әрбір азаматтың саулығы – мемлекетіміздің саулығы деп саналады делінген. Олай болса, болашақ ұрпақ салауаттылығы баланың кішкентай кезінен басталуы керек. Балабақшада, одан мектепке келген күннен бастап балаларды өз денсаулығына қатысты жауапкершілікке тәрбиелей бастау қажет. Көне замандағы ғұламаның бірі Аристотель «Жанды дене қозғалмаса өледі» деген екен. Міне, осы тұжырымдаманы біз бетке ұстауымыз қажет.

     Мен 2 «А» сыныбымды денсаулыққа тек денені шынықтыру арқылы қол жеткізуге болатынын ұғындырып келемін. Сабақ үстінде түрлі қимыл-қозғалыс жаттығуларын жасатып, жетісіне 3 рет болатын дене шынықтыру сабағында дене қозғалыс жаттығуларына, жүгіруге, секіруге көп көңіл бөлемін. Сонымен қатар денсаулықты нығайтуда таза ауаның алатын орны ерекше екенін ұғындырып, қазіргі балаларды телефон мен компьютерден алшақтату мақсатында күніне 1-1,5 сағат таза ауада жүруіне, жүгіріп, ойнауын үнемі бақылап, ата-аналармен байланыс жасап отырамын.

      Биылғы оқу жылының 1-жартыжылдығында сыныбыммен №10 мектепке бассейнге барып, денені шынықтыруда жүзудің орны ерекше екенін түсіндірдім. Сонымен қатар каникулдың соңғы күндерінде КЖБИ мөлтек ауданында Тобыл жағасына барып, мұздан сырғанап, таза ауада біраз денені шынықтырып қайттық. Осындан кейін каникул кезеңінде ата-аналар балаларын жиі-жиі сырғанаққа апарып қыстың қызығына тойдыртты.

       Оқушыларыма өз денсаулығын сақтауды және шынықтыру жолдарын үйретіп, әр қадамын саналықпен ойлайтын тұлғаны қалыптастыра алсам, пәнді оқытуда мақсатқа жетемін деп ойлаймын.